“Akademia e të rinjve” si zgjidhje për vazhdimësinë e “Shotës”

10 January 2019 09:25

Prishtinë, 10 janar – Ansambli kombëtar i këngëve dhe valleve “Shota” nuk është i plotë në asnjë aspekt. Pavarësisht që është institucion qendror i kulturës, i mungojnë gjëra elementare të funksionimit. Në raport me stafin profesional, krejt të tjerat, përfshirë edhe instrumentet e amortizuara, kalojnë në plan të dytë.

Si ansambël kombëtar ka për detyrë edhe të ruajë e interpretojë muzikën popullore. Për këtë e bart edhe barrën kryesore.

Por “Shota” nuk ka instrumentistë për çifteli, sharki, violinë, flaut e obo. I mungon formacioni i korit e nuk ka asnjë solist. Problemet sa i përket stafit priten të thellohen, pasi një pjesë e punonjësve i janë afruar pensionit. Në mënyrë që Ansambli ta vazhdojë punën, menaxhmenti së bashku me Këshillin Drejtues e atë Artistik kanë vendosur që ta hapin “Akademinë e të rinjve” në kuadër të institucionit. Konkursi për pranimin e nxënësve prej moshës 10 deri në 16-vjeçare do të hapet këtë javë. Qëllimi është që ata që pranohen ta përfundojnë një kurs që do të zgjasë tre vjet.

Drejtori i përgjithshëm i “Shotës”, Shefqet Gjocaj, ka numëruar disa arsye që i kanë shtyrë për ta hapur “Akademinë e të rinjve”.

Pamundësia e kompletimit të trupës artistike dhe krijimit të vendeve të punës janë vetëm dy prej tyre. Ka treguar se gjithmonë janë të detyruar që nëpërmjet bashkëpunëtorëve të jashtëm ta kompletojnë ansamblin/Shaban Maxharraj.

(Gjerësisht, sot në "Kohën Ditore")

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Fatoni21/01/2019 13:26

Kjo “Akademi” eshte dasht te filloj se funksionuari shum me heret nuk eshte zgjidhje qe femijet e moshes 10-16 vjeç te zavendesojn p.sh valltar te cilt edhe 5 e deri ne 10 vjet te ardhshne dalin ne penzion. Ky institucion eshte dasht qe se bashku me MKRS-n te hapin konkurs per valltar ,kengetar dhe instrumentis pasi qe ka shum prej tyre qe ushtrojne aktivitet te njejt ne Ansamblet Komunale(Amatore).

Shto koment

Të ngjashme