Masa shtesë për sigurinë e dokumentacionit komunal

Masa shtesë për sigurinë e dokumentacionit komunal

Feim Azemi 09 January 2019 11:32

Pas asgjësimit të një pjese të dosjeve komunale, Komuna e Gjilanit ka iniciuar procesin për rritjen e sigurisë për dokumentacionin. Drejtori i Administratës së përgjithshme në Komunën e Gjilanit, Bardhyl Syla, ka bërë të ditur se ata kanë angazhuar një operator i cili do t’i regjistrojë lëndët në drejtoritë dhe më pas ato do të transferohen në arkivin e integruar, i cili është në kuadër të Administratës.

Thotë se procesi do të përfundojë në qershor të këtij viti. Syla pranon se në arkivin e integruar të Komunës gjendet një numër i vogël i dokumenteve të cilat janë arkivuar, shkruan sot Koha Ditore.

“Bëhet fjalë për dokumentacionin e vjetër, sepse për dokumentacionin i cili vlerësohet se është i ri edhe me tutje do të qëndrojë nëpër drejtori. Sa i përket arkivit të Zyrës së prokurimit edhe më tej gjendet tek inkubatori i biznesit dhe është duke u punuar që këto lëndë të barten. Po kemi pak dokumentacion, sepse tash procesi ka filluar dhe është duke u punuar në bartjen e lëndëve. Procesi sipas planifikimeve pritet të përfundojë në qershor të këtij viti. Synojmë më pas të skanojmë dokumentacionin me qëllim që të ketë një qasje më të lehtë”, ka thënë ai.

 

 (shkrimin e plotë e gjeni në numrin e sotëm të “Kohës Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme