Kulturë

“Albanian Adventure Resort”, projekti që e çon Blerina Agon në Amerikë

Tiranë, 20 prill - Kush tha që në Shqipëri nuk ka të rinj me ide dhe iniciativa mbresëlënëse?! Shpesh ata evidentohen nga të huajt të cilët i japin atyre një mundësi më shumë në rrugën që duan të ecin. Rasti për të cilin po flasim ka të bëjë me një vajzë e cila nuk është krejt e panjohur. Shumëkush e njeh si Blerina e Rafting, ndërsa të tjerë si juriste dhe eksperte në fushën e turizmit. Por këto ditë ajo ka marr një lajm i cili përket jo vetëm asaj, por edhe Shqipërisë!

Programi prestigjioz i Departamentit të Shteteve të Bashkuara të Amerikës YTILI (Young Transatlantic Innovation Leaders Initiative), përzgjedh çdo vit vetëm 100 finalistë mes qindra aplikimeve të sipërmarrësve të rinj evropianë. Ky program praktike profesional njëvjeçar, mundësuar nga Fondi Gjerman Marshall, i bën finalistët pjesë e një organizate/biznesi apo institucioni në SH.B.A ku të mund të zhvillojnë aftësi të reja profesionale, të hulumtojnë në fusha të ndryshme të kërkimit shkencor, të krijojnë ide të reja biznesi dhe lidershipi dhe të forcojë bashkëpunimin transatlantik mbi sfidat rajonale, kombëtare dhe globale në frymën e Planit Marshall.

Për vitin 2017, mes mbi 650 aplikimeve, fituesja nga Shqipëria është shpallur Blerina Ago administratorja e “Albanian Adventure Resort”.

Si rezultat i 15 viteve punë, Blerina Ago është duke zhvilluar sipërmarrjen më inovative dhe ide të gjelbërta në fushën e turizmit, pozicionuar në Skrapar “Albanian Adventure Resort” sha.

“Albanian Adventure Resort” ka si qëllim ndryshimin e jetës se komunitetit përmes aktiviteteve sportive në natyrë dhe arsimit profesional në fushën e turizmit aventurë dhe mikpritjes. “AAR” shtrihet në hapësirën e një ish-reparti ushtarak të amortizuar, mes natyrës së paprekur, dhe fare pranë kanioneve të Osumit. Lokacioni i propozuar ofron një gamë mundësish për mbi 15 aktivitete aventurë, duke përfshirë rafting në afërsi te kanioneve te Osumit, hiking, kajak, hidrospid, kalërim, çiklizëm malor, kacavjerrje dhe sporte te tjera të shumta në natyrë. Gjenerimi i të ardhurave përmes aktiviteteve komerciale do të ndihmojë për të rritur standardet e të gjitha sporteve aventurë në Shqipëri dhe do të rrisin profilin e Shqipërisë si një destinacion i turizmit aventurë.

2-105Përfitimet do të përfshijnë zhvillimin e produkteve të reja turistike për Shqipërinë, trajnimin dhe zhvillimin e guidave të aventurës, mbështetje për inkubacionin dhe rritjen e ndërmarrjeve rurale dhe krijimin e vendeve të punës, duke përfshirë gratë dhe të rinjtë.

Blerina ka spikatur jo vetëm për idenë inovative por gjithashtu për lidershipin, kontributin dhe aktivizmin disa vjeçar në fushën e turizmit të aventurës dhe mbrojtjes së mjedisit. Përzgjedhja e Blerinës thekson mes të gjithave rëndësinë e turizmit të aventurës e akoma më shumë rendësinë e figurave të vajzave dhe grave në fushën e lidershipit dhe sipërmarrjes.

{gallery}