Shqipëria synon ta themelojë Qendrën Kombëtare të Librit dhe Leximit

Shqipëria synon ta themelojë Qendrën Kombëtare të Librit dhe Leximit

08 nëntor 2018 13:02

Prishtinë, 8 nëntor – Qeveria e Shqipërisë synon që të themelojë një agjenci të veçantë sa u përket librit dhe leximit. Në vitin 2019, Qeveria që udhëhiqet nga kryeministri Edi Rama ia ka vënë vetes për qëllim që të hapë Qendrën Kombëtare të Librit dhe Leximit.

Këtë e ka bërë të ditur ministrja e Kulturës, Mirela Kumbaro–Furxhi, gjatë prezantimit të planifikimit buxhetor të Ministrisë së Kulturës për vitin 2019 para anëtarëve të Komisionit parlamentar për edukim dhe kulturë. Ajo ka thënë se Ministria e Kulturës parashikon që për vitin 2019 të themelojë një institucion të ri kombëtar për t’u dhënë përparësi politikave në fushën e librit dhe edukimit.

“Do të krijojmë Qendrën Kombëtare të Librit dhe Leximit, e cila do të jetë një agjenci në nivel kombëtar për të ekzekutuar në territor të gjitha politikat dhe programet e Ministrisë së Kulturës, të cilat ne i kemi ngritur dhe tashmë kanë hyrë në vitin e tyre të katërt të zbatimit”, ka thënë ajo.

Një iniciativë e tillë ishte marrë edhe nga Ministria e Kulturës, Rinisë dhe Sportit në Kosovë para dy vjetësh.

(gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme