“Identiteti” nëpër botën femërore përtej paragjykimeve dhe tabuve Foto: Koha

“Identiteti” nëpër botën femërore përtej paragjykimeve dhe tabuve

18 shtator 2018 10:31

Modelet janë bërë personazhe që “luajnë” jetën reale. I ka fotografuar e më pas fotografitë i ka shndërruar në piktura. Ka edhe elemente autobiografike, por në esencë kanë emërues të përbashkët ekzistencën njerëzore.

Me dimensione të mëdha, ku dominojnë ngjyrat e tokës, në teknikën vaj në pëlhurë paraqiten portretet e vajzave dhe të grave të ndryshme. Përmes tyre, vihet në pah stili i piktores Shpresa Xhemajli, e cila të hënën hapi ekspozitën e saj të parë personale në galerinë “Monet”, në Prishtinë. E ka titulluar “Identiteti”. Por jo rastësisht, shkruan sot “Koha Ditore”.

Duke qenë se kjo është ekspozita e saj e parë, ajo mëton që me këtë cikël të identifikohet për stilin e saj, e në të njëjtën kohë të vërë në pah identitetin e gruas në shoqëri. Gratë në pikturat e saj paraqiten sensuale, misterioze dhe të bukura.

Nëpërmjet 11 punimeve ajo sjell edhe një pjesë të historisë së saj, të cilat i ka punuar për një periudhë njëvjeçare.

Nëpërmjet titujve të secilës pikturë mund të kuptohet shumë mirë secili moment nëpër të cilin artistja ka kaluar, e që i ka paraqitur në ekspozitë, siç janë: “Forgetting cold past”(Harrimi i së kaluarës së ftohtë), “Sweet and Sour” (Ëmbël dhe thartë), “Thinking without blinking” (Të menduarit pa lëvizur qepallat), “Inocent girl with flower” (Vajza e pafajshme me lule) e “Brakeup” (Ndarja).

Ekspozita e saj do të qëndrojë e hapur deri në fund të këtij muaji... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme