“Skyscraper” me klishe ik nga realiteti

“Skyscraper” me klishe ik nga realiteti

15 korrik 2018 18:49

Kur pamjet e para të “Skyscraper” dolën në fillim të këtij viti, pjesa më e madhe e bisedave online u sollën rreth shumës marramendëse të parave që kanë mundur të shpenzohen në këtë film: Dwayne “The Rock” Johnson në triler bën një kërcim të tipit të Ethan Huntit, kur hidhet nga vinçi në xhamat e thyer të një ndërtese.

Të gjithë, prej profesorëve të matematikës e deri te ata tallen në internet, kritikuan fizikën. Por për mua, elementi më i pamundur ishte përfshirja e vetë Johnson në këtë film, shkruan “The Guardian”, transmeton “Koha Ditore”.

Si është e mundur që mundësi i kthyer në aktor ka gjetur kohë të jetë pjesë e kaq shumë filmave në të njëjtën kohë? A fle ai? A i është nënshtruar një procedure shumëplanëshe të klonimit eksperimental? Për shkak se në shtatë muajt e fundit ai ka arritur që me “Jumanji” të mbledhë 962 milionë dollarë në arka filmike në mbarë botën, e ndërkohë me “Rampage” të sjellë një hit global i cili mblodhi 424 milionë dollarë.

Ai tashmë është ylli më përfitues në Hollywoodin e sotëm, e po ashtu edhe një prej aktorëve më të pëlqyer, por a mundet fuqia e tij prej ylli të shtrihet në tri hite të arkave filmike për një periudhë të shkurtër?

I ribashkuar me regjisorin Rawson Marshall Thurber, i cili shfrytëzoi karizmin e tij prej ylli që të gjallërojë komedinë mediokre “Central Intelligence”, Johnson luan rolin e udhëheqësit të ekipit të shpëtimtarëve të pengjeve në FBI, e po ashtu edhe si veteran i luftës dhe pjesëtar i sigurimit të rrokaqiejve, me emrin Will Sawyer.

Ai punon në Kinë, në “Pearl”, ndërtesën më të madhe dhe të sigurt në Hong-Kong, gjersa po ashtu jeton aty me gruan e tij Sarah (Neve Campbell) dhe dy fëmijët. Por kur objektin e kaplon zjarri, Sawyer e kupton se është vënë në kurth nga terroristët. Po pra me siguri se e dini nga po shkon ngjarja.

Prezantimi i hershëm ka sugjeruar se “Skyscraper” do të bëhet hiti origjinal më i madh i vitit, duke marrë parasysh se është film i rrallë me buxhet prej mbi 100 milionë dollarësh, e nuk është vazhdimësi, apo ribërje e bazuar në një film tjetër, shou televiziv, videolojë apo diçka të tillë. Madje edhe vetë Johnson e kishte shitur këtë film në “Twitter” si humbës... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA

Komentet

Shto koment

Të ngjashme