“Gardhi” i Kosovës dëshmon gjuhën universale të filmit në “Palm Springs”

“Gardhi” i Kosovës dëshmon gjuhën universale të filmit në “Palm Springs”

23 qershor 2018 18:32

Filmi “Gardhi” në premierën botërore është mirëpritur nga publiku amerikan. Rrëfimi kosovar në testin e parë në ekran ka dëshmuar se komunikon fort edhe me realitetin universal.

Përplasja e brezave dhe konfliktet mes besimeve tradicionale me formën bashkëkohore të jetës, që trajtohet në filmin 15-minutësh të regjisores Lendita Zeqiraj, të enjten mbrëma është dhënë në kuadër të festivalit prestigjioz “Palm Springs International Short Film Festival”, shkruan sot Koha Ditore.

Ky festival këtë vit shënon edicionin e tij të 24-të, ndërsa çdo vit pranon më shumë se 5 mijë aplikime nga 100 shtete të ndryshme të botës. “Palm Springs...”, njëherësh është edhe festival kualifikues për çmimet “Oscar”, BAFTA dhe “Los Premios Goya”, dhe deri tash ka prezantuar mbi 100 filma të shkurtër, që janë nominuar ose shpërblyer me çmimin “Oscar”. “Gardhi” është në garë zyrtare në festivalin, i cili përfundon të hënën.

Regjisorja e filmit, Lendita Zeqiraj, pas premierës në Kaliforni i ka thënë gazetës se filmi është vlerësuar goxha.

(Detajet mund t’i gjeni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme