Arrestohet personi që në 2017-ën rrahu dhe plaçkiti një tjetër Foto: Ilustrim/Koha

Arrestohet personi që në 2017-ën rrahu dhe plaçkiti një tjetër

19 mars 2018 15:17

Policia e Prizrenit, ka njoftuar se ka arrestuar një person i cili ishte nën hetimin e tyre që nga viti 2017.

“Me datën 22 tetor të 2017, rreth mesnates, në rrugën “Zanat” në Prizren, një i dyshuar e kishte sulmuar fizikisht një qytetar të cilit i kishte shkaktuar lëndime të rënda trupore e më pas i kishte grabitur një telefon celular dhe disa gjësende tjera. Atëkohë viktima kishte pranuar tretman mjekësor në Spitalin Rajonal në Prizren”, thuhet në raportin e tyre policor.

Tutje, njoftojnë se pas inicimit të rastit, hetues policorë, në vazhdimësi kanë punuar për identifikimin e të dyshuarit A.B, i cili është arrestuar dhe gjatë kontrollit në portofolin e tij është gjetur një sasi e vogël e narkotikut.

Gjatë hetimeve është gjetur edhe telefoni i cili i ishte shitur një personi dhe i njëjti do të shërbejë si provë materiale në procedura hetimore.

“Vlen të theksohet se i dyshuari ndiqet penalisht edhe për dhunë në familje”, thuhet në fund të raportit.

© KOHA. Të gjitha të drejtat janë të rezervuara.

Komentet

Shto koment

Të ngjashme