Kronikë

Konfiskohen cigare pa banderola në Gjakovë

Dogana e Kosovës dje pasdite ka zhvilluar një aksion në qytetin e Gjakovës ku edhe janë kapur sasi të cigareve pa banderola, pra të kontrabanduara.

“Njësitë e Doganës së Kosovës ushtruan kontroll sipas mandatit në depo dhe objektet përcjellëse në lokacionin e dyshuar. Derisa oficerët doganor po ushtronin kontroll vërejtën se një person po tenton të largonte cigaret nga prona e tij duke tentuar që t’i hedhë tutje. Pasi që oficerët doganor e ndaluan këtë veprim vërejtën se kishte sasi të duhanit pa banderola të Republikës së Kosovës, sasia si në vijim:

Cigare pa banderolë Ashima – 3800 copë cigare

Cigare pa banderolë Art Slims -39000 copë cigare

Cigare pa banderolë Belagio - 5000 copë cigare

Cigare pa banderolë President – 18200 copë cigare

Cigare pa banderolë Eva Slims – 9600 cope Cigare .

Cigaret pa banderolë janë konfiskuar dhe palës i janë lëshuar vërtetimi për konfiskimin e mallit si dhe ka filluar procedura kundërvajtës.