Tre shqiptarë të arrestuar në Detroit për vjedhje në disa shtëpi që nga 2014-a

Tre shqiptarë të arrestuar në Detroit për vjedhje në disa shtëpi që nga 2014-a

20 shkurt 2018 10:01

Policia në Detroit të SHBA-së ka arrestuar tre shqiptarë për vjedhje në disa shtëpi të biznesmenëve aziatikë.

Të tre u arrestuan këtë muaj, me dy prej tyre që u kapën gjatë hyrjes në një shtëpi në Farmington Hills.

Hetimi ndaj tyre nisi në nëntor të vitit të shkuar, pasi institucionet i identifikuan përmes shenjave në një nga vjedhjet në shtëpitë e biznesmenëve aziatikë.

Sipas policisë, të tre të dyshuarit “funksiononin si sigurim për viktimat, bizneset e tyre dhe rezidencat e viktimave”.

Të arrestuarit, sipas raportimeve, kishin kryer vjedhje në disa vende që nga viti 2014.

Alban dhe Andi Mustafa u zunë duke tentuar të hynin në një shtëpi në Ditën e të Dashuruarve. Të dy akuzohen për komplot, vjedhje të shkallës së dytë, dhe vjedhje të informatave identifikuese personale. Sotiraq Lako ishte arrestuar më 2 shkurt dhe akuzohet për komplot dhe vjedhje të shkallës së dytë.

Policia thotë se ata shfrytëzonin lidhjet me këto biznese për të siguruar hyrje më të lehtë nëpër shtëpi për t’u vjedhur para, bizhuteri dhe gjëra tjera të vlefshme.

Sipas raportimeve, mund të ketë edhe arrestime tjera lidhur me këto vjedhje.

© KOHA. Të gjitha të drejtat janë të rezervuara.

Komentet

Shto koment

Të ngjashme