Kronikë

Një muaj - paraburgim për të pandehurin nga Podujeva

Gjykata Themelore e Prizrenit, Departamenti për Krime të Rënda, ka caktuar masën e paraburgimit prej një (1) muaj të pandehurit me iniciale R.H. nga fshati Dumnicë e Epërme, Komuna e Podujevës, e cila masë do të llogaritet prej datës së arrestimit 30.12.2017, dhe do të zgjasë deri më datën 30.01.2018, njofton kumtesa, transmeton Koha.net.

I pandehuri dyshohet se me datën 30.dhjetor 2017, në vendkalimin kufitar të Vërmicës, pa autorizim transporton substancë narkotike.

Gjatë kontrollit të automjetit “Mercedez Benz” të cilin e drejtonte i pandehuri, në bagazhin e tij është gjetur substancë narkotike e llojit marihuanë me peshë përgjithshme prej katër kilogram e njëzet e katër gram (4.024 gr) që cilati transportonte nga qytetit i Durrësit për në fshatin Dumnicë e Epërme, me qëllim të ofrimit për shitje.