Kronikë

Rrahen ndërmjet vete burrë e grua në Prishtinë, dërgohen në spital

Një burrë dhe një grua (bashkëshortë) janë rrahur ndërmjet vete më në orët e hershme të mëngjesit të djeshëm, raporton Policia e Kosovës.

Përmes një komunikate për media Policia konfirmon se ngjarja ka ndodhur rreth orës 05:00 dje në Prishtinë, transmeton Koha.net. Të dyshuarit kanë pranuar tretman mjekësor.

“Raportohet se, dy të dyshuar një mashkull dhe një femër K-Shqiptare (bashkëshortë) pas një mosmarrëveshjeje janë rrahur mes veti. Të dyshuarit kanë pranuar tretman mjekësor”, thotë PK.

Me vendim të prokurorit rasti shkon në procedurë të rregullt.