Vdes 12 vjeçari i aksidentuar para 10 ditësh

Vdes 12 vjeçari i aksidentuar para 10 ditësh

10 korrik 2017 10:33

Policia njofton se E.H(12 vjeqar) ka vdekur si pasojë e plagëve të marra në një aksident që ka ndodhur më 29 qershor në fshatin Koshare të Ferizajt.

Rasti ka ndodhur në rrugën magjistrale Shtime -Ferizaj ,në fshatin Koshare, ku sipas Policisë, ngasësja e automjetit të udhëtarëve me targa lokale, A.M. ( 23 vjeçare), e cila ishte duke qarkulluar në relacionin Ferizaj-Shtime, fillon tejkalimin në mënyrë të pasigurt dhe godet veturën e cila ishte duke qarkulluar në të njëjtin drejtim si dhe biçiklistin E.H. 12 vjeç.

Në raportin policor, më datë 29 qershor thuhej se në orën 14:50 në fshatin Koshare, ka ndodhur një aksident trafiku ku janë përfshirë dy vetura dhe një biçiklist.

Si pasojë dy femra dhe një mashkull kanë pësuar lëndime trupore të cilët janë dërguar menjëherë në spital për trajtim mjekësor.

© KOHA. Të gjitha të drejtat janë të rezervuara.

Komentet

Shto koment

Të ngjashme