Pak ditë më parë është arrestuar një mashkull në fshatin Velezhë në Prizren, pasi nuk përfilli urdhrin nga zyrtarët policor.
Sipas raportit policor, i dyshuari në një pikë kontrolli nuk ka përfillur urdhrin për ndalim dhe ka ikur nga vendi i ngjarjes.
I dyshuari në këtë rast duke ikur ka goditur me veturë një zyrtar të policisë.
Më pas i dyshuari ka humbur kontrollin dhe ka dalë jashtë rrugës kryesore.
Në veturën e tij janë gjetur dhe konfiskuar një revole e llojit TT me 16 fishekë të kalibrit 7.62 mm, 10,000 euro dhe 400 lekë.
Zyrtari policor i cili është lënduar ka pranuar tretman mjekësor ndërsa me vendim të prokurorit i dyshuari është dërguar në mbajtje.
-
3 korrik 2017 10:33
-
Shpërndaje në: