Në Han të Elezit gjatë fundit të muajit nëntor është raportuar një rast për një person i cili kishte tentuar të paguajë me euro fals.

Rasti ka ndodhur më 29.11.2019, derisa arrestimi i të dyshuarit është bërë dje, me datën 03.12.2019.

“Është arrestuar i dyshuari mashkull K/Shqiptar i cili me datën 29.11.2019 në një pompë të derivateve kishte mbushë me derivate veturën e tij dhe për pagesë, ankuesit mashkull K/Shqiptar, ia kishte dhënë një kartëmonedhë në vlerë pesëqind (500) euro e cila dyshohet se është e falsifikuar. Monedha e dyshuar është konfiskuar, gjithashtu nga i dyshuari është konfiskuar edhe një kartëmonedhë në vlerë pesëqind (500) euro e cila dyshohet se është e falsifikuar”, thuhet në raportin e PK-së.

Pas intervistimit i dyshuari me vendim të prokurorit është dërguar në mbajtje.