Tri raste të dhunës në familje për 24 orë në Kosovë Foto: Ilustrim

Tri raste të dhunës në familje për 24 orë në Kosovë

18 November 2019 13:35

Tri raste të dhunës në familje janë shënuar në 24 orët e fundit në Kosovë.

Sipas raportit të Policisë, në Gllogoc është arrestuar e dyshuara femër, e cila pas një mosmarrëveshje e kishte sulmuar fizikisht viktimën tjetër femër. Viktima është dërguar për tretman mjekësor në spitalin e Prishtinës. E dyshuara pas intervistimit me vendim të prokurorit është dërguar në mbajtje.

Ndërkaq në Ferizaj është arrestuar i dyshuari mashkull, pasi që i njëjti ka sulmuar fizikisht bashkëshorten e tij. Si pasojë e sulmit viktima ka pësuar lëndime trupore dhe ka pranuar tretman mjekësor. I dyshuari pas intervistimit me vendim të prokurorit është dërguar në mbajtje.

Rast i ngjashëm ka ndodhur në Malishevë ku një burrë ka sulmuar fizikisht bashkëshorten e tij. I njëjti pas intervistimit me vendim të prokurorit lirohet në procedurë të rregullt.

© KOHA. Të gjitha të drejtat janë të rezervuara.

Komentet

Shto koment

Të ngjashme