Kronikë

Arrestohet 23-vjeçari nga Kamenica, dhunoi një të mitur

Prokuroria Themelore ne Gjilan, Departamenti për Krime të Rënda, ka ndaluar të dyshuarin M.K., në kohëzgjatje prej 48 orësh, me dyshimin se ka kryer veprën penale “Dhunimi”, nga neni 227, të Kodit Penal të Republikës së Kosovës.

“Ekziston dyshimi i bazuar, që më 14 nëntor 2019, i dyshuari M.K. (1996), në fshatin Rogoqicë, komuna e Kamenicës, e ka takuar të dëmtuarën e mitur, e cila ka hipur në veturën e tij dhe janë nisur në drejtim të Gjilanit, me ç’rast janë ndaluar në një motel në hyrje të qytetit, ku i dyshuari duke e shfrytëzuar pozitën e saj të ndjeshme dhe të pa mbrojtur, e ka detyruar që të kryej akt seksual, pa pëlqimin e saj”, thuhet në njoftim.

Prokurori i rastit, brenda afatit ligjor ndaj të dyshuarit do të paraqesë kërkesë për caktimin e masës së paraburgimit, në Gjykatën kompetente në Gjilan, në afat prej 30 ditësh.