Arrestohet një 44-vjeçar në Fushë Kosovë, dyshohet për dhjetëra vjedhje

Njësitet policore të stacionit të Fushë Kosovës, sot kanë arrestuar një person të dyshuar për disa raste të vjedhjeve.

“Rastet kanë ndodhur në lokacione (dyshohet në qendra tregtare) dhe periudha të ndryshme kohore, ku dyshohet se ka kryer (dhjetëra) vjedhje të rënda”, thuhet në raportin policor.

Personi i dyshuar ka inicialet F. B. mashkull, 44 vjeç, shtetas i Republikës së Kosovës.

“Pas përfundimit të procedurave nga ana e hetuesve të stacionit policor të Fushë Kosovës, është dërguar në qendrën e ndalimit për 48 orë”, thuhet në njoftim.