Kronikë

Aksident në Milot, vetura largohet nga vendngjarja të tjerat i kalojnë trupit sipër

Një aksident ka ndodhur në aksin Milot-Fushë Krujë, ku mësohet se një person ka humbur jetë.

Aksidenti ka ndodhur në vendin e quajtur “Kryqëzimi i Fushë Kuqes”.

Viktima bëhet me dije se është Mark Lleshi.

Burime për Top Channel bëjnë me dije detaje tronditëse. Makina që ka aksidentuar këmbësorin është larguar dhe për shkak të errësirës makinat e tjera që kanë kaluar e kanë shtypur trupin e të ndjerit.

Njoftimi i Policisë

Kurbin / Informacion paraprak

Rreth orës 18:30, në aksin rrugor Milot – Fushë Krujë, në vendin e quajtur  ” Kryqëzimi i Fushë Kuqes”, është aksidentuar nga një mjet , shtetasi këmbësor M.Ll. rreth 55 vjeç, banues në Kurbin i cili ka ndërruar jetë.

Grupi hetimor në vendngjarje vazhdon hetimet për zbardhjen e plotë të rrethanave të aksidentit dhe kapjen e autorit./tch