Tentoi të përdhunonte 13-vjeçaren, durrsakët rrahin keq 50-vjeçarin kanadez

Tentoi të përdhunonte 13-vjeçaren, durrsakët rrahin keq 50-vjeçarin kanadez

18 April 2019 14:57

Mirësjellja e keqkuptuar apo një tentativë për përdhunim i kushtoi shtrenjtë një shtetasi kanadez në Durrës.

50 vjeçari është vënë në pranga me dyshimin se tentoi të përdhunojë një turiste 13 vjeçare, por para prangave të policisë u përball me zemërimin e banorëve që e bënë për spital.

Ky është 50-vjeçari kanadez, Robert Hedorson (në foto) i vënë në pranga në Durrës me dyshimin se tentoi të përdhunojë një turiste të mitur nga Hungaria.

Por para se të vihej në pranga, ai u përball me banorët e zonës së plazhit në Durrës, që në shenjë zemërimi për aktin e bënë për spital.

Pas 12 orëve nën kujdes mjekësor për shkak të hematomave në kokë e trup, policia preu fletë arrestin për kanadezin me akuzë e tentativës për përdhunim.

Dëshmia kanadezit - 50-vjeçari, që mësohet se qëndronte prej disa ditësh si turist në Durrës, ka mohuar tentativën e përdhunimit, ndërsa në dëshminë para policisë ka folur për një keqkuptim.

Hedorson ka thënë se sjellja e tij ishte vetëm një akt falënderimi për vajzën që e kishte ndihmuar.

“Nuk është aspak e vërtetë që tentova të përdhunoj një vajzë të mitur. Absolutisht nuk kisha këtë qëllim. Thjesht e përqafova në shenjë falënderimi. Ky gjest u keqkuptua nga vajza dhe bërtiti duke kërkuar ndihmë”.

Dëshmia e 13 vjeçares

Ndërsa 13-vjeçarja hungareze e mbërritur në Durrës për pushime me familjen e saj ka dhënë një tjetër version, transmeton OraNews.

Ajo ka thënë në prani të psikologes se 50-vjeçari i ka kërkuar ta shoqëronte deri tek apartamenti dhe kur ajo ka refuzuar të ngjitet, ai e ka kapur për dore, duke përdorur forcë për ta futur në hyrjen e pallatit.

Policia e Durrësit është vënë në kontakt me autoritetet kanadeze për rastin, ndërsa mësohet se 50-vjeçari rezulton i dënuar tri herë për vjedhje.

Komentet

Shto koment

Të ngjashme