Vrau në mënyrë makabre çiftin britanik, shqiptarit i konfirmohet dënimi 35 vjet burgim

Vrau në mënyrë makabre çiftin britanik, shqiptarit i konfirmohet dënimi 35 vjet burgim

15 April 2019 12:58

Ka dështuar kërkesa e shqiptarit për apelim të vendimit, me të cilin u dënua me 35 vite burg, pasi u shpall fajtor për vrasjen makabre të një çifti në Angli.

Ali Qazimaj, 45 vjeç, i cili u shpall fajtor për vrasjen e ndodhur më 2017, kërkoi të apelonte vendimin, por nuk i është pranuar kërkesa.

Trupi i Peter Stuart, 75 vjeç, i cili ishte therur nëntë herë, u gjet në një gropë në pyll afër shtëpisë së tij në Mill Lane në Weybread, në qershor 2016, ndërsa gruaja e tij 69-vjeçare Sylvia kurrë nuk u gjet.

Dënimi i Qazimajt erdhi nga gjykatësi Jeremy Stuart-Smith i cili e përshkroi vrasjen si “të jashtëzakonshme dhe të tmerrshme”, ndërsa autorin e cilësoi si “vrasës të pamëshirshëm”.

Ish azilkërkuesi i cili shkoi në Britani të Madhe më 1999, kishte insistuar gjatë gjithë gjyqit se ai ishte viktimë e një identiteti të gabuar duke pretenduar se nuk kishte shkelur kurrë më parë në këtë vend përpara se të ekstradohet nga Luksemburgu, ndërsa pretendonte se ishte shtetas shqiptar i quajtur Vital Dapi.

Në një seancë dëgjimore në Londër të enjten e kaluar, një gjyqtar në Gjykatën e Apelit, i cili i shqyrtoi dosjen, hodhi poshtë kërkesën e lejes për të apeluar vendimin.

Komentet

MicSok17/04/2019 16:11

Ne koftese eshte e vertete o krym, u krymovsh ne burg per jete.

Shto koment

Të ngjashme