Kronikë

Inspektorati Farmaceutik sekuestron barna ilegale

Foto: Driton Paçarada / Koha

Inspektorati Farmaceutik i Ministrisë së Shëndetësisë, pas inspektimeve ad-hoc të kryera mbrëmjen e kaluar në tre subjekte farmaceutike private ka sekuestruar qindra kilogramë barna ilegale.

Pas marrjes së informatës nga Njësie Hetuese e Krimeve Ekonomike e Policisë së Kosovës, se në një subjekt (garazh) privat dyshohet se ka barna ilegale, IF ka organizuar tre ekipe inspektorësh dhe me asistencë të Policisë së Kosovës ka kryer inspektimet në vendet e dyshuara për mbajtje të barnave ilegale. Gjatë inspektimit, inspektorët kanë gjetur qindra kilogramë barna ilegale të grupeve të ndryshme farmaceutike.

Po ashtu, janë gjetur barna pa banderola, por me hyrje të rregullta (leje për autorizim), si dhe barna me banderola të Serbisë, etj.

Të gjitha këto barna janë evidentuar dhe konfiskuar nga Inspektorati Farmaceutik dhe me to do të procedohet sipas legjislacionit në fuqi.

Në njoftimin e Ministrisë së Shëndetësisë nuk saktësohet sasia, as në cilin vend të Kosovës ka ndodhur zbulimi dhe sekuestrimi i këtyre barnave të kontrbanduara, e as identifikimi i kontrabanduesit, rikujton Koha.net.