Arrestohen 5 persona për 21kg drogë kanabis në Durrës

Arrestohen 5 persona për 21kg drogë kanabis në Durrës

14 March 2019 10:36

Policia e Durrësit në bashkëpunim me Prokurorinë kanë finalizuar operacionin e koduar “Vazhdimësia”, duke arrestuar 5 persona.

Mësohet se në pranga e policisë kanë rënë: A.Ç., 53 vjeç; G.K., 38 vjeç; I.K. 50 vjeç; R.K. 25 vjeç si dhe L.Y., 47 vjeç.

Këta shtetas gjatë operacionit u kapën në flagrancë pranë stacionit të trenit Lushnjë me një sasi prej 21 kilogramë lëndë e dyshuar narkotike në forme çokollate, kanabais, e cila u sekuestrua në cilësinë e provës materiale së bashku me dy automjete dhe një sasi parash.

Vazhdon puna për dokumentimin e personave të tjerë të përfshirë në këtë aktivitet kriminal.

Materialet do t’i kalojnë Prokurorisë Pranë Gjykatës së Shkallës Durrës për hetime të mëtejshme në ngarkim të shtetasve për veprën penale të “Prodhim shitje të narkotikeve, kryer në bashkëpunim”.

Komentet

Shto koment

Të ngjashme