Plaçkitje me armë në Deçan, tre të arrestuar, dy në arrati

Plaçkitje me armë në Deçan, tre të arrestuar, dy në arrati

24 janar 2019 11:54

Në një parking të një qendër tregtare në Deçan, më 22 janar 2019, ka ndodhur ‘grabitje e armatosur’, transmeton Koha.net.

Policia e Kosovës, thotë kumtesa e saj, menjëherë ka shkuar në vendngjarje. Aty ajo ka takuar viktimat e rastit. Sipas tyre, ata, derisa ishin duke dërguar pazarin ditor në bankë, nga një veturë e tipit Pasat me targa vendore ka dalë i dyshuari me armë në dorë dhe nën kanosje ka grabitur çantën në të cilën gjendeshin të holla rreth 8000 euro (tetë mijë euro), duke u larguar në drejtim të panjohur.

Pas një pune intensive operativo-hetimore, Policia me datën 24 janar 2019 ka arritur që të identifikojë dhe më pas të arrestojë 3 persona të dyshuar për ‘grabitje të armatosur’ dhe 2 persona të dyshuar të cilët gjenden në arrati, në kërkim policor.

Personat e dyshuar të arrestuar në këtë rast janë:

B. K. i lindur 1992 m/k/sh

F. B. i lindur 1992 m/k/sh

G. S. i lindur 1995 m/k/sh

Gjatë bastisjes tek i dyshuari i parë janë sekuestruar si prova materiale një armë e tipit ‘Zoraki M 906-B’ dhe vetura e tipit Passat me targa vendore e cila dyshohet se ka qenë e involvuar në rast.

Me vendim të prokurorit të shtetit ndaj tre të dyshuarve është caktuar masa e ndalimit policor prej 48 orëve për të vazhduar me procedura të mëtutjeshme.

Komentet

Shto koment

Të ngjashme