Në Suharekë arrestohen dy të dyshuar për ‘vjedhje në tentativë’ Foto: Ilustrim

Në Suharekë arrestohen dy të dyshuar për ‘vjedhje në tentativë’

10 January 2019 12:09

Suharekë, 10 janar - Me datën 09 janar në Suharekë hetuesit policorë të stacionit policor të këtij qyteti, pas një reagimi të shpejtë të njësiteve relevante, kanë arritur të identifikojnë dhe të arrestojnë dy persona (F.K dhe S. K.) , të cilët dyshohet të kenë kryer veprën penale ‘vjedhje në tentativë’.

Personat, tashmë të arrestuar, dyshohet të jenë përfshirë në një rast të ndodhur me 09.01.2019 në Suharekë, të cilët pasi kanë hapur derën e depos së një firme dhe në mënyrë të paligjshme kanë arritur të marrin gjësende të ndryshme, me vlerë mbi 1000.00 euro, sipas deklaratës së viktimës. Mirëpo pas pak, falë reagimit të shpejtë të njësive intervenuese të policisë të dyshuarit janë kapur dhe vepra u cilësua si vjedhje në tentativë.

Pas analizimit të rastit është konstatuar se personat e dyshuar kishin kryer një vjedhje edhe me datën 02.01.2019 po në të njëjtën ndërmarrje. Të dyshuarit veprën e kishin pranuar gjatë intervistimit.

Lidhur me rastin janë ndërmarrë të gjitha veprimet e nevojshme procedurale, dhe pas intervistimit të dyshuarve me urdhër të prokurorit të shtetit u është shqiptuar masa e arrestit për 48 orë.

Komentet

Shto koment

Të ngjashme