Italiani i therur me thikë nga shqiptarët kërkon 1 milion euro dëmshpërblim nga ta dhe shokët e tyre

Italiani i therur me thikë nga shqiptarët kërkon 1 milion euro dëmshpërblim nga ta dhe shokët e tyre

09 January 2019 22:39

Nicolo Betarini, djali i prezantueses së njohur italiane Simona Ventura dhe e i ish-futbollistit Stefano Bettarini, është plagosur 11 herë me thikë nga 4 persona, 2 prej të cilëve janë shqiptarë. Ngjarja ka ndodhur me 1 korrik 2018 dhe autorët tashmë ndodhen përpara organit të akuzës. Mediat në Itali raportojnë se Betarini kërkon 1 milion euro dëmshpërblim ndaj 4 autorëve të plagosjes së tij.

Dy prej të tyre janë shtetasit shqiptarë Albano Jakaj 24 vjeç e Andi Arapi 29 vjeç dhe dy të tjerët janë identifikuar si shtetasit Alessandro Ferzoco, 23 vjeç e 29 vjeçari Davide Caddeo me precedent penal e anëtar i tifozerisë ultra të Interit.

Avokatja Alessandra Calabro, në emër të klientit të saj, ka kërkuar 1 milion euro dëmshpërblim së bashku me kërkesën e prokurorit të çështjes i cili ka kërkuar 10 vite burg për të katërt të akuzuarit, raporton Tch.

Daniele Barreli, avokati mbrojtës i shqiptarit Albano Jakaj, i ka kërkuar trupit gjykues masa lehtësuese për ndryshimin e akuzës nga “grindje e dhunshme për motive të kota” në “grindje të dhunshme për motive provokuese”.

Avokatja mbrojtëse e djalit të Simona Venturës, ka kërkuar depozitimin e menjëhershëm të 500 mijë eurove nga 1 milion që është shuma e përgjithshme e kërkesës së dëmshpërblimit.

Si fillim kishte qenë italiani David Caddel që e kishte qëlluar me thikë djalin e prezantueses. Më pas kishte ndërhyrë edhe italiani tjetër Alessandro Ferzoco, 24 vjeç, drejtues i një bar në rrethin e Afforit, i frekuentuar nga anëtarë të grupeve ekstreme të krahut të djathtë. Ndërsa në këtë sherr masiv ishin përfshirë edhe dy shqiptarët, Andi Arapi, 29 vjeç dhe Albano Jakaj, 24 vjeç.

Ndërsa njëri prej tyre i është drejtuar me këta fjalë: “Unë iu njoh, ti je i bir i Bettarini, ne do të të vrasim”. Djali ishte përpjekur për të shpëtuar, por banda e kishte rrethuar atë. Atë si fillim e kishin qëlluar me grushte e shkelma, e më pas e kishin sulmuar me thikë. Ai kishte rënë me forcë mbi tokë. E dashura e tij ishte hedhur tërë guxim për ta mbrojtur, mbi turpin e të riut.

Komentet

Shto koment

Të ngjashme