Goditet me veturë një burrë rreth të 70-ave në Prishtinë

06 January 2019 18:39
20:49

Policia e Kosovës ka konfirmuar se rreth orës 18:00 në aksidentin prapa Teatrit Kombëtar është goditur me veturë një 70 vjeçar derisa po kalonte rrugën.

Ai ka pësuar lëndime dhe është dërguar për tretman mjekësor në QKUK.

Këtë e ka bërë të ditur për Koha.net zëdhënësi i Policisë së Kosovës, Agron Borovci.

“Rreth orës 18:00 është raportuar një aksident trafiku me lëndime në rrugën ‘Agim Ramadani’, prapa Teatrit Kombëtar. Vetura e tipit Ford ka goditur këmbësorin, burrë rreth 70 vjeç, i cili kishte pësuar lëndime”, ka thënë Borovci.

Më tutje Borovci ka shtuar se, “i njëjti është dërguar në QKUK dhe aktualisht po merr trajtimin e nevojshëm mjekësor. Njësia e trafikut ka dalë në vendin e ngjarjes dhe po heton rrethanat e aksidentit”.

18:39

Aksident trafiku prapa Teatrit Kombëtar

Një aksident trafiku ka ndodhur para pak çastesh prapa Teatrit të Kosovës në Prishtinë.

Sipas dëshmitarëve është shkelur një këmbësor, transmeton Koha.net. Në vendin e ngjarjes shihet auto ambulanca, si dhe Policia e Kosovës.

Koha.net ka provuar të kontaktojë me Policinë e Kosovës për të marrë më shumë detaje, por pa sukses.

© KOHA. Të gjitha të drejtat janë të rezervuara.

Komentet

Shto koment

Të ngjashme