Gjykata Themelore e Prizrenit, duke vendosur sipas kërkesës së Prokurorisë Themelore të Prizrenit, ka caktuar masën e paraburgimit në kohë zgjatje prej një (1) muaji ndaj të pandehurit me iniciale SH.K. nga Prizreni, për shkak të dyshimit të bazuar se ka kryer veprën penale, lëndim i rëndë trupor, njofton kumtesa, transmeton Koha.net.
Ndaj të pandehurit me iniciale S.K nga Prizreni gjykata ka caktuar masën e arrestit shtëpiak në kohëzgjatje prej një (1) muaji, për shkak të dyshimit të bazuar se ka kryer veprën penale lëndim i rëndë trupor.
Të pandehurit S.K, SH.K., E.R, më 28.12.2018, rrethe orës 12:50 minuta, në afërsi të pompës së derivateve “ Hip Petrol” në Prizren, me dashje i shkakton lëndime të rënda trupore të dëmtuarit me iniciale N.B.
Pasi që hetimet janë në fazën fillestare dhe i pandehuri me iniciale E.R. gjendet në arrati, gjykata ka caktuar masën e paraburgimit dhe të arrestit shtëpiak ndaj të pandehurve të lartë cekur.
-
31 dhjetor 2018 11:22
-
Shpërndaje në: