Një person është arrestuar në Prizren nën dyshimin për kryerjen e veprës penale “blerje, posedim, shpërndarje dhe shitje e paautorizuar e narkotikëve, substancave psikotrope dhe analoge”.

Policia e Kosovës ka njoftuar se më 30 tetor, sot, në shtëpinë e të dyshuarit L.Gj., të lindurm ë 1986, ka sekuestruar nëntë paketime të mbështjella me qese plastike me marihuanë. Pesha e përgjithshme e marihuanës e gjetur në shtëpinë e të dyshuarit është 3 kilogramë e 670 gramë.

Po ashtu është konfiskuar një revole pa karikator.

I dyshuari është dërguar në ndalim policor në stacionin policor në Prizren.