Rritet dhuna në familje, kërkohet që këto raste të trajtohen me prioritet

Rritet dhuna në familje, kërkohet që këto raste të trajtohen me prioritet

12 tetor 2018 13:59

Kryeprokurori i Prokurorisë Themelore të Mitrovicës, Shyqyri Syla, ka mbajtur takim me drejtoreshën e Drejtorisë Rajonale të Policisë në Mitrovicë, Afërdita Mikullovci, si dhe me shefat e hetimeve të Stacioneve Policore në Mitrovicë, Skenderaj dhe Vushtrri, si dhe shefin e Hetimeve Rajonale të Policisë së Mitrovicës.

Në takim është diskutuar bashkëpunimi në mes të Prokurorisë Themelore të Mitrovicës dhe Policisë Rajonale të Mitrovicës, me ç’rast është konstatuar se ekziston një bashkëpunim i shkëlqyeshëm mes tyre, dhe u pajtuan që ky bashkëpunim të vazhdojë edhe në të ardhmen me qëllim të luftimit të dukurive negative në regjionin të cilin e mbulon kjo prokurori.

Po ashtu, temë e rëndësishme e takimit ka qenë diskutimi për rastet e dhunës në familje. Kryeprokurori Syla, është shprehur se është shqetësuese rritja e rasteve të dhunës në familje, si dhe ka kërkuar që këto raste të kenë trajtim të veçantë si dhe të u jepet prioritet. Vlen të theksohet që në Prokurorinë Themelore të Mitrovicës, është i caktuar një prokuror i cili merret ekskluzivisht me këto raste.

Gjatë takimit është pajtuar që të Enjten e parë të çdo muaji të ketë takime të rregullta në mes të Kryeprokurorit Syla me drejtuesit e Drejtorisë Rajonale të Policisë së Mitrovicës. Po ashtu në javën e ardhshme Kryeprokurori Syla do të mbajë takim me Strukturat e Policisë së Rajonit të Mitrovicës- veri.

© KOHA. Të gjitha të drejtat janë të rezervuara.

Komentet

Shto koment

Të ngjashme