Një tjetër person është mbytur sot në plazhin e Gjirit të Lalzit në Durrës.
Siç njofton policia e Shqipërisë, viktima është një 18 – vjeçar nga Tirana, i cili ndërroi jetë në spital.
“Më datë 22.07.2018, tek Gjiri i Lalzit është mbytur në det shtetasi F. A. 18 vjeç, banues në Tiranë, i cili ka ndërruar jetë në spital.
Grupi hetimor po punon për sqarimin e rrethanave të ngjarjes”, thuhet në njoftimin e policisë.
Gjatë ditës, një 30-vjeçar është mbytur në plazhin e Velipojës.
Ngjarja ka ndodhur në zonën e Vilunit, ku E.P 30 vjeç hyri për të shpëtuar të fejuarën, por nuk ka mundur të dalë i gjallë.
Ky ishte rasti i dytë i shënuar për këtë vit në Velipojë, ku pushuesit kanë humbur jetën
-
22 korrik 2018 23:21
-
Shpërndaje në: