Tre trafikantëve të armëve 2 deri në 5 vjet e gjashtë muaj burgim, njërit dënim me të holla Foto: Ilustrim

Tre trafikantëve të armëve 2 deri në 5 vjet e gjashtë muaj burgim, njërit dënim me të holla

20 korrik 2018 15:57

Gjykata Themelore në Prishtinë ka dënuar me burgim tre trafikantë të armëve ndërsa njërin e ka dënuar me të holla.

I akuzuari M.D është shpallur fajtor dhe është dënuar me dënim me burgim në kohëzgjatje prej 5 (pesë) vite e 6 (gjashtë) muaj dhe dënim me gjobë në shumë prej 7.000 euro, për veprën penale në bashkëkryerje me A.V “Importi, eksporti, furnizimi, transportimi, këmbimi ose shitja e paautorizuar e armëve”.

I akuzuari A.K është shpallur fajtor dhe është dënuar me dënim unik me burgim në kohëzgjatje prej 5 (pesë) vite e 2 (dy) muaj dhe dënim me gjobë në shumë prej 5.000 euro, për veprën penale në bashkëkryerje importi, eksporti, furnizimi, transportimi, këmbimi ose shitja e paautorizuar e armëve nga neni 372 paragrafi 2 të Kodit Penal të Republikës së Kosovës dhe veprën penale “Mbajtja në pronësi, kontroll apo posedim të paautorizuar të armës”.

I akuzuari D.P është shpallur fajtor dhe është dënuar me dënim me burgim në kohëzgjatje prej 2 (dy) vite dhe dënim me gjobë në shumë prej 3.000 euro për veprën penale në bashkëkryerje “importi, eksporti, furnizimi, transportimi, këmbimi ose shitja e paautorizuar e armëve”.

I akuzuari D.M është shpallur fajtor dhe është dënuar me dënim me gjobë në shumë prej 4.000 (katërmijë)euro për veprën penale “Mbajtja në pronësi, kontroll apo posedim të paautorizuar të armës”.

© KOHA. Të gjitha të drejtat janë të rezervuara.

Komentet

Shto koment

Të ngjashme