Arratisen nga një burg grek 3 shqiptarë të arrestuar për vjedhje

Arratisen nga një burg grek 3 shqiptarë të arrestuar për vjedhje

19 qershor 2018 11:20

Tre shtetas shqiptarë të dënuar për vjedhje dhe hyrje me forcë në shtëpi, të arrestuar më 13 qershor, janë arratisur nga qelitë e Departamentit të Policisë së Argyroupolit.

Ata mundën të sharronin me fletë metalike hekurat e tualetit të paraburgimit rreth orës 6:30 të mëngjesit të kësaj të marte, për t’u hedhur më pas nga një lartësi prej 10 metrash, shkruan KsP.

Shqiptarët u pikasën nga oficerët e policisë, që u përpoqën t’i ndalnin pa sukses, pasi ata arritën të kapërcenin gardhin dhe të largoheshin prej andej.

Ata ishin arrestuar 6 ditë më parë si anëtarë të një bande përgjegjëse për mbi 70 raste vjedhjeje në Qarkun e Atikës, me një total prej mbi 400 mijë euro të siguruara nga këto veprime të paligjshme.

Shefi i Unionit të Oficerëve të Policisë, në Atikën Juglindore, Giorgios Kalliakmanis theksoi se “prej kohësh, shoqata e tyre kishte vënë në dukje papërshtatshmërinë e godinës që strehonte Departamentin e Sigurisë dhe kishin denoncuar problemet e Drejtorisë së Policisë së Atikës Juglindore”.

Komentet

Shto koment

Të ngjashme