Kronikë

Arrestohen katër persona në Prishtinë, penguan stafin mjekësor në kryerjen e detyrave

Policia e Kosovës ka arrestuar katër persona të martën në Prishtinë, nën dyshimin se kanë penguar stafin mjekësor në kryerjen e detyrave.

Sipas njoftimit, të dyshuarit më pas janë larguar me veturë dhe gjatë largimit kanë dëmtuar laurën.

“Janë arrestuar katër të dyshuar meshkuj kosovarë pasi që të njëjtit kishin penguar stafin shëndetësor në kryerjen e detyrave të tyre, e më pas duke u larguar me veturë kishin dëmtuar laurën. Me vendim të prokurorit të dyshuarit janë liruar, rasti vazhdon në procedurë të rregullt”, thuhet në njoftimin e Policisë.