Kronikë

​Arrestohet një person për dhunë në familje në Ferizaj

Policia e Kosovës ka arrestuar të dielën në Ferizaj një person të dyshuar për dhunë në familje.

Sipas njoftimit të policisë, arrestimi ka ndodhur pasi në fshatin Balaj të Ferizajt është raportuar një rast i dhunës në familje dhe kanosjes.

“Drejtoria Rajonale e Policisë në Ferizaj, dje rreth orës 14:30 ka pranuar një informacion se në fshatin Balaj të Ferizajt është një rast i dhunës në familje dhe kanosjes. Në lidhje me këtë, policia i ka marr veprimet e nevojshme dhe menjëherë ka dalë në vendin e ngjarjes, ka intervistuar viktimën me inicialet B.T (F/K) e moshës 24 vjeçare dhe një dëshmitar. Viktima ka deklaruar se, shkak i një mosmarrëveshje ishte kanosur nga bashkëshorti i saj me inicialet L.T ( M/K) i moshës 30 vjeçar, të cilën policia më pas rreth orës 23:00 e ka arrestuar. I dyshuari është shoqëruar në stacionin policor në Ferizaj dhe pas intervistimit, me vendim të Prokurorit të Prokurorisë Themelore në Ferizaj, është dërguar në mbajtje për 48 orë për procedura të mëtejme hetimore”, thuhet në njoftim.