Kronikë

Arrestohet një person pasi kanosi bashkëshorten përmes telefonit

Policia e Kosovës ka arrestuar një person të mërkurën mbrëma, pasi ka marrë informatën se ka kanosur bashkëshorten përmes telefonit.

Sipas njoftimit të Policisë, ngjarja ka ndodhur në fshatin Davidovc të Shtimes.

“I dyshuari është shoqëruar në stacionin policor në Shtime dhe pas intervistimit nga ana e policisë, me vendim të Prokurorit të Prokurorisë Themelore në Ferizaj, është dërguar në mbajtje për 48 orë për procedura të mëtejme hetimore”, thuhet në njoftimin e Policisë, Drejtoria Rajonale e Ferizajt.