Kronikë

Arrestohet një shtetas shqiptar në Maqedoni, u kap me drogë në vlerë 350 mijë euro

Është arrestuar në Maqedoni të Veriut një shtetas i Shqipërisë.

Siç ka njoftuar “Alsat-M”, gjatë kontrollit në makinën e 38-vjeçarit janë gjetur dhe sekuestruar 5 çanta me nga 100 paketime me marihuanë, në total 100 kilogramë marihuanë, me vlerë rreth 350 mijë euro.

Aksioni, sipas MPB së Maqedonisë së Veriut ka zgjatur disa muaj, ndërsa janë vëzhguar disa shtetas të Shqipërisë.

“Gjatë ditës së djeshme diku rreth orës 22:00 në rrugën lokale të fshatit Orovnik, komuna e Debërcës, policia ka privuar nga liria 38-vjeçarin M.P. shtetas i Republikës së Shqipërisë, me çka është ndërpre një kanal ndërkombëtar për tregti ilegale të marihuanës nga Republika e Shqipërisë në vendin tonë”, ka njoftuar zëdhënësja e MPB së Maqedonisë së Veriut, Suzana Pranjiq-Talevska.