Njësitë antikontrabandë të Doganës së Kosovës kanë ndalur për kontroll në afërsi të Zveçanit një kamion të tonazhit të ultë, pas dyshimeve se mund të ketë mallra kontrabandë.

Fillimisht drejtuesi i kamionit ka tentuar të largohet por intervenimi i suksesshëm i oficerëve ka rezultuar me ndalimin e këtij mjeti transportues.

Me rastin e kontrollit janë gjetur mallra akcizore, përkatësisht birra dhe sheqer në sasi si vijon: birra të ndryshme mbi 1500 litra dhe sheqer – 1 ton

Mallrat dhe mjeti transportues janë konfiskuar, derisa rasti ka vazhduar për kundërvajtje.

“Dogana e Kosovës synon që në bashkëpunim me qytetarët të mbrojë interesin e shtetit, duke u pamundësuar kriminelëve që të përfitojnë nga taksat e qytetarëve. Andaj, mirëpresim bashkëpunimin me qytetarët e Republikës së Kosovës dhe mënyra më e sigurte është që të na kontaktoni përmes telefonit 0800 500 95, facebook Dogana e Kosovës ose e-mail: info@dogana-ks.org. Me bashkëpunim efikas secili bëhet pjesë e luftës ndaj krimit. Duke mbrojtur të hyrat ne i krijojmë më shumë mundësi zhvillimit të vendit”, thuhet në njoftimin e Doganës.