Kronikë

Arrestohen dy shtetas të huaj në Bërnjak, dyshohet se kishin qëndruar ilegalisht në Kosovë

Policia e Kosovës ka bërë të ditur se në pikë kalimin kufitar në Bërnjak, në dalje të Kosovës, janë arrestuar dy të dyshuar një mashkull dhe një femër shtetas të huaj, të cilët kishin qenë me veturë me targa të shtetit të tyre, dhe të njëjtit dyshohet se ilegalisht kishin qëndruar në territorin e Kosovës.

Të dyshuarit nuk posedonin viza hyrëse në territorin e Kosovës apo ndonjë vizë tjetër të ndonjë vendi shengen, dhe gjatë verifikimit në sistem, nuk figurojnë se kishin hyrë përmes ndonjë pike kufitare.

Të dyshuarit me vendim të prokurorit janë dërguar në mbajtje.