Kronikë

Nuk mori pagën me rregull, ia vuri flakën autobusit që drejtonte

Një person është arrestuar të mërkurën mbrëma, pasi dyshohet se ia vuri zjarrin autobusit të cilin e drejtonte në kompaninë ku punonte.

Policia e Kosovës ka njoftuar se motivi i këtij akti dyshohet të jetë mosmarrja e pagës me rregull.

Rasti ka ndodhur në zonën industriale në Fushë-Kosovë.

“Dyshohet se ka të bëjë për shkak të mosdhënies së pagës, pasi që i dyshuari kishte punuar në firmën e viktimës. Në konsultim me prokurorin, i dyshuari pas intervistimit është liruar në procedurë të rregullt”, thuhet në raportin 24-orësh të Policisë të enjten.