Arbëri

Prizrenit i jepen në shfrytëzim ngastrat për Parkun e Biznesit

Autoritetet komunale të Prizrenit kanë mirëpritur vendimin e Qeverisë së Kosovës për dhënien në shfrytëzim të ngastrave në Lubizhdë të qytetit për krijimin e Parkut të Biznesit.

Sipas tyre, në këtë mënyrë është hapur rruga për finalizimin e zonës së veçantë për industri të lehtë përkatësisht kapërcimin e telasheve që kanë zgjatur afër një dekadë, shkruan sot Koha Ditore.

“Kërkesa jonë për transferin e tokave për zonën e Parkut Industrial, më në fund ka kaluar nga Qeveria e Kosovës”, ka thënë kryetari i Komunës, Mytaher Haskuka, duke konfirmuar se Komuna e Prizrenit ka marrë në shfrytëzim hapësirën për krijimin e zonës së veçantë për industri të lehtë “Parku i Biznesit”, në zonën kadastrale të Lubizhdës.

(Artikullin e plotë mund ta lexoni në numrin e sotëm të Kohës Ditore)