Pushojnë hetimet ndaj zyrtarit të kabinetit të kryetarit të Pejës Foto: Koha

Pushojnë hetimet ndaj zyrtarit të kabinetit të kryetarit të Pejës

15 maj 2018 11:01

Njëri prej dy zyrtarëve të dyshuar të Komunës së Pejës për falsifikim të një dokumenti zyrtar është liruar nga hetimet e prokurorisë.

Zyrtari në kabinetin e kryetarit të Pejës, K.S., të hënën është parë në zyrën e vet që i është kthyer punës, i cili ishte pezulluar nga puna në muajin dhjetor, pasi kishin nisur hetimet nga Prokuroria Themelore e Pejës, ndaj tij dhe ndaj zyrtarit ligjor në Drejtorinë për Çështje Pronësore-Juridike, B. Sh., i cili gjithashtu është i pezulluar nga puna në muaji dhjetor.

Hetimet kanë nisur me dyshime për falsifikim të një dokumenti zyrtar, që mban vulën e zyrës së kryetarit dhe nënshkrimin e tij. Hetimet nga prokuroria janë duke u zhvilluar edhe ndaj E.D. pronar i një kompanie nga Peja, për tërheqjen e automjeteve.

Prokuroria Themelore e Pejës ka konfirmuar të hënën për KD-në se hetimet ndaj K.S. kanë pushuar.

“Hetimet ndaj K.S kanë pushuar për shkak se nuk janë gjetur prova të mjaftueshme se i njëjti kishte për ta kryer veprën penale për të cilën janë filluar hetimet. Gjersa për dy të pandehurit e tjerë hetimet janë duke u zhvilluar”, tregoi për KD-në Ersan Qavolli, zëdhënës i Prokurorisë Themelore të Pejës... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme