Ambasadori Republikës së Shqipërisë në Kosovë Qemal Minxhozi sot ka qëndruar në Rahovec.

Ai ka zhvilluar një takim me kryetrarin e Rahovecit Smajl Latifi në të cilin u fol për mundësinë e bashkëpunimit në mes të Komunës së Rahovecit dhe Republikës së Shqipërisë, përkatësisht në mes të komunave të cilat e kanë të zhvilluar turizmin, njofton kumtesa komunale, transmeton Koha.net.

Latifi, më këtë rast kërkoi që të rritet bashkëpunimi me komunat e Republikës së Shqipërisë, me qëllim të rritjes së turizmit në Komunën e Rahovecit pasi që edhe Rahoveci në këtë drejtim ofron kushte të mira.

Minxhozi i ka ofruar Latifit bashkëpunimin e tij me qëllim të koordinimit të aktiviteteve ndërkomunale për zhvillimin e turizmit në mes të komunës së Rahovecit dhe komunave veriore të Shqipërisë.