Drejtuesit e Gjykatës Themelore të Prizrenit sërish janë ankuar se ndërtesa e këtij institucioni nuk i përmbush kushtet për veprimtari të duhur. Sipas tyre ndonëse kërkesa për ndërtimin e një ndërtese të re ka hasur në mirëkuptimin e Këshillit Gjyqësor të Kosovës, megjithatë problematike ka mbetur çështja e gjetjes së lokacionit.

Për këtë arsye kanë pohuar se do t’i intensifikojnë kontaktet me lidershipin komunal me qëllim të gjetjes së një ngastre të përshtatshme. Ndërsa udhëheqësit e Ministrisë së Drejtësisë janë zotuar që në një të ardhme të afërt të sigurojnë buxhetin e nevojshëm për ndërtesën e re të Gjykatës në Prizren, shkruan sot Koha Ditore.

Kryetari i Gjykatës Themelore në Prizren, Ymer Hoxha, ka pohuar se hapësira e pamjaftueshme në ndërtesën ekzistuese të kësaj gjykate paraqet një sfidë të konsiderueshme, marrë parasysh faktin se stafi mbështetës punon në kushte të vështira...(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.