Ndërtimi i bulevardit të ri në Pejë, peng i buxhetit Foto: Koha

Ndërtimi i bulevardit të ri në Pejë, peng i buxhetit

20 dhjetor 2017 09:36

Projekti i shumëreklamuar nga Komuna e Pejës për ndërtimin e Bulevardit të gjelbër nga udhëkryqi në hyrje të Pejës, që në Pejë njihet si “te rampa”, e deri të rruga qarkore poshtë Stacionit të Autobusëve, nuk do të përfundojë as vitin e ardhshëm, megjithëse ishte pretenduar nga Komuna që të kryhet sivjet.

Punimet e nisura para 9 muajve, janë ndërprerë dy herë dhe infrastruktura rrugore ka mbetur e shkatërruar pa u punuar në të asgjë qe 7 muaj, shkruan sot “Koha Ditore”.

Ky projekt i Komunës në vlerë prej rreth 1.3 milionë eurosh, që financohet nga Ministria e Infrastrukturës, kishte nisur në fillim të muajit prill me pastrimin hapësirave nga objektet e përkohshme afariste të ndërtuara në prona të hekurudhës, në të cilat shtrihet dhe një pjesë e projektit.

Mirëpo, hekurudha, që nuk ishte informuar fare për këtë projekt, kishte reaguar dhe Gjykata Themelore e Pejës, me kërkesën e departamentit të zyrës ligjore dhe pronës së hekurudhave të Kosovës, SH.A “Infrakos”, sjell masën e përkohshme të sigurisë dhe kjo masë ende është në fuqi... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme