Megjithëse sipas Planit Lokal të Veprimit në Mjedis 2009–2015 ishte paraparë hartimi i një strategjie për ruajtjen e biodiversitetit, Komuna e Pejës ende është pa një strategji të tillë, pavarësisht se kanë qenë të identifikuara problemet, si dhe janë propozuar edhe veprimet me Planin Lokal të Veprimit në Mjedis dhe statusi i zbatimit të tyre.
Gjithashtu mungon një studim i plotë për gjendjen aktuale dhe masat për mbrojtjen e llojeve të rralla dhe atyre të rrezikuara, shkruan sot “Koha Ditore”. Nuk ka as një evidentim të plotë të bimëve me vlera të veçanta e me mundësi përdorimi në industri apo mjekësi.
E vetmja që ka ndodhur deri më tash është publikimi i disa broshurave të organizatave mjedisore, mirëpo në aspektin institucional nuk ka pasur asnjë veprim.
Me ligjin për mbrojtjen e natyrës, përkatësisht planifikimit dhe organizimit të mbrojtjes së natyrës, komunat detyrohen që të nxjerrin programe për mbrojtjen e natyrës për territorin e vet.
Moshartimin e kësaj strategjie nga ana e komunës, zëdhënësi i Komunës, Enegelbert Zefaj e “arsyeton” me mungesën e të dhënave për biodiversitetin... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.
-
12 shtator 2017 08:38
-
Shpërndaje në: