Arbëri

Mustafa: Kirurgu Baxhaku do ta kurojë Prizrenin nga qeverisja e keqe

Kreu i LDK-së, Isa Mustafa, ka shprehur bindjen se Hatim Baxhaku do ta fitojë garën në Prisren.

“Dr. Hatim Baxhaku, një kirurg shumë i suksesshëm i Prizrenit, do ta kurojë Qytetin e tij nga plagët e qeverisjes së keqe. Është njeri i qëlluar për kryetar të komunës së Prizrenit, i caktuar nga LDK”, ka thënë Mustafa në prezantimin e Baxhakut.

Ish-deputeti Hatim Baxhaku nuk u përfshi në listën e kandidatëve për deputetë në Kuvendin e Kosovës për këtë legjislaturë. Në legjislaturën e kaluar, ndër të tjera, ai do të mbahet mend për votën e tij kundër ngjitjes së Hashim Thaçit në krye të shtetit, për çka Isa Mustafa me LDK-në kishin marrëveshje që Thaçin ta votonin për president.