Arbëri

Protestë në Ferizaj kundër zhdukjes së qenve endacakë

Fondacioni për të drejtat e kafshëve ka mbajtur një protestë para Komunës së Ferizajt me arsyetime se Komuna ka shpenzuar rreth 90 mijë euro për t'i trajtuar 1300 qen endacakë, por ata janë zhdukur dhe nuk po shihen në qytet.

Po ashtu kjo organizatë ka kritikuar autoritetet komunale se nuk kanë ofruar bashkëpunim për monitorimin e procesit.

Në anën tjetër drejtori i Bujqësisë, Burim Bajrami ka deklaruar se kësaj organizate ua kanë miratuar kërkesën për monitorim.

"I gjithë procesi ka qenë transparent. Qentë janë trajtuar dhe janë liruar në vendin e njëjtë. Protesta e kësaj organizate është e pa bazuar", ka thënë midis të tjerash Bajrami.