Banorët e fshatit Strazhë të Kaçanikut kanë vendosur që me çdo kusht t’ia mbrojnë bukuritë natyrore këtij vendi dhe rrugën që pas 12 vjet kërkesash, po u asfaltohet.
Gëzimi për shtrimin e rrugës nuk u zgjati, pasi një kompani gurthyese, ka marrë lejen nga të gjitha institucionet kompetente dhe pritet të nisë punën në fshat, raporton KTV.
Banorët thonë se nuk do të lejojnë futjen e makinerive të kësaj kompanie në fshat.
Banorët thonë se me detyrim nga shteti, janë shtyrë të lëshojnë pe, duke lejuar kompaninë që të futet në pronat e tyre në fshatin e vjetër.
Ky fshat, dita-ditës po shndërrohej në një pikë turistike të rëndësishme për komunën e Kaçanikut.
Komuna parashihte që të sjellë investitorë të huaj për ndërtimin e shtigjeve të skijimit.
Kryetari i kësaj komune, Besim Ilazi, fillimisht kishte dhënë pëlqimin për gurthyesin, por thotë se i është ankuar Ministrisë së Ambientit se një leje e tillë mund të rrezikojë projektin turistik.
-
2 qershor 2017 23:48
-
Shpërndaje në: