Arbëri

Mbi 100 persona pickohen nga rriqrat në Malishevë

Mbi 100 pickime nga rriqrat janë raportuar deri sot në Malishevë, bën të ditur Instituti Kombëtar i Shëndetësisë Publike.

Ata thonë se bashkë me Komunën e Malishevës kanë regjistruar fillimin e pickimeve të rriqrave.

Derisa kanë bërë thirrje për kujdes, IKSHPK dhe QKMF në Malishevë kanë dhënë disa rekomandime për qytetarët:

1. Mos qëndroni gjatë dhe pa nevojë në livadhe dhe vende me shkurre,

2. Nëse patjetër duhet të jeni të pranishëm në këto vende vesh rroba të gjata dhe pantallonat futni në çorapë,

3. Duhet të përdorni preparate me të cila lyejmë pjesët e trupit të cilat i dëbojnë insektet nga trupi i njeriut e sidomos në pjesët e zbuluara të trupit, (shuplakat, qafën),

4. Kontrolloni trupin mos keni ndonjë rriqër gjatë qëndrimit në vatër,

5. Kontrolloni përsëri trupin pas largimit nga livadhi apo vendet me shkurre,

6. Nëse keni rriqër në trup ofrohuni në qendrën më të afërt mjekësore sa më shpejt,

7. Kositja e barit të bëhet në vazhdimësi (oborr dhe livadhe),

8. Pastrimi dhe dezinfektimi i stallave të bëhet në vazhdimësi,

9. Mbajtja e higjienës personale në nivelin më të lartë.